Sajak Keur Sobat

Sobat,
Asa cikénéh urang babarengan
Asa cikénéh urang silih poyok
Asa cikénéh urang silih rangkul jeung silih hampura
Ayeuna....

Sobat,
Baris euweuh deui batur urang seuri babarengan
Moal kungsi deui berlomba maén bola
Silih téngkas silih siku jeung dudupak
Ayeuna....

Sobat,
Sing percaya perpisahan ieu
henteu mawa gumbira dina haté kuring
Tapi ieu kudu dilakonan

Tapi jaga urang mudah-mudahan papanggih deui
Di sawarga éndah nu kabina-bina
kalayan ngulang carita-carita urang baheula.

Pileuleuyan Dik, sapu nyere pegat simpay....

(yasana: Kang Edi 'Emir')